Video/ Bind “Zonja e Vjetër”, mbyll ndeshjen që në pjesën e parë dhe kalon testin e vështirë me Lacion

Sot në “Juventus Stadium”, u zhvillua kryendeshja e kësaj të diele mes ekipit të Juventusit dhe Lacios.

Formacioni i hedhur në fushë nga tekniku  i Juventusit, ka arritur të mposhtë lehtësisht një Lacio, e cila mesa duket ishte në fushë e lojës si spektatore. Me golat e shënuar nga Dybala në minutën e 5-të dhe Higuain në minutën e 17-të, Juventusi e mbyll ndeshjen që në pjesën e parë.

Ndërkohë me fitoren e sotme bardhezinjtë e Alegrit shkëputen përkohësisht 4 pikë nga ndjekësit e vendit të dytë dhe të tretë siç janë Roma dhe Napoli.

Lojtarët duket se do të shkojnë të qetë në transfertën e të dielës së ardhshme kundër  Sassuolos.