Real Madrid ka fituar 2-0 me Juventus në miqësoren e Los Angelos në SHBA. Në “Rose Bowl” (Pasadena), skuadra e Ancelottit është treguar më e saktë në rastet e krijuara, duke mposhtur bardhezinjtë.
Sfida është hapur qysh në minutën e 19 nga Benzema. Një ndërhyrje e pakuptueshme e Danilo në zonë, bëri që arbitri të akordonte 11 metërsh, e kthyer në gol nga francezi.
Pjesa e dytë ka parë shumë zëvendësime te dy skuadrat, ndërsa Asensio në minutën e 69 ka vulosur ndeshjen me golin e dytë. Në stadium kishte mbi 90 mijë tifozë, me biletat që ishin shitur të gjitha.
