Partizani – Egnatia është një nga supersfidat e javës së 26-të të kampionatit, përballje kjo që dot ë luhet ditën e shtunë në “Arenën e Demave” duke nisur që nga ora 16:30. Takim shumë i rëndësishëm ky për objektivat e skuadrave.
Rrogozhinasit tentojnë kreun, ndërsa “Demat” duan vendin e 4-të, pozicion që të siguron “Final – Four”. Një sfidë e luftuar mes ekipeve që kanë si detyrim vetëm fitoren.
Nuk do të jetë aspak e lehtë për ekipin e Oltijon Kërnajës, pasi kampionët në fuqi janë bërë si “macja e zezë” për ta. Kjo pasi në kampionat të kuqve u mungon fitorja ndaj rrogozhinasve prej thuajse 1 viti.
Saktësisht fitorja e fundit që Partizani ka marrë ndaj Egnatias është në maj të vitit të kaluar, ku “Demat” triumfonin 1-0. Ndërkohë në 4 duelet e tjera në kampionat që janë luajtur pas kësaj sfide kanë përfunduar 2 në barazim dhe 1 në favor të ekipit të Edlir Tetovës.
Lexo gjithashtu
