Prej orës 19:00 të ditës së sotme do të mbahen homazhet në nderim të kujtimit të futbollistit Fatjon Bunjakut, i cili u nda nga jeta në moshën 22-vjeçare.
Është vetë klubi i Elbasanit që ka njoftuar këtë ceremoni përmes një postimi në rrjetet sociale. Të gjithë tifozët verdheblu dhe dashamirësit e futbollit do të mblidhen në stadiumin "Elbasan Arena", ku do të nderojnë pikërisht futbollistin e ndjerë.
Aksidenti tragjik u regjistrua në orët e para të mëngjesit, në 00:58, në aksin rrugor Vushtri-Mitrovicë, ku pamjet nga ngjarja treguan se si mjeti është kthyer përmbys duke sjellë dhe vdekjen e menjëhershme të të riut.
NJOFTIMI:
"Të nderuar tifozë verdheblu dhe dashamirës të futbollit,
Sot në 19:00, në hyrjen kryesore të stadiumit "Elbasan Arena" mblidhemi për të nderuar Fatjon Bunjakun, një atlet të shkëlqyer dhe një njeri pozitiv e plot pasion.
Le ta nderojmë së bashku kujtimin e Fatjonit."
Lexo gjithashtu
