Vajushi ironi me mediat: Më tregoni ku do e vazhdoj karrierën

Mesfushori shkodran, Armando Vajushi, ka reaguar me një status në Facebook kundër aludimeve mediatike që kanë hedhur hipoteza se ai mund të rikthehet në Shqipëri pasi do të prishë kontratën e sapofirmosur me Pro Verçelin.

Vajushi e ka bërë të qartë se nuk ka shans që të kthehet në Shqipëri në këtë kohë duke qënë se vetëm para disa javësh ka firmosur një kontratë 3-vjeçare me skuadrën e Serisë B italiane.

Ai gjithashtu bën me dije se kur të kthehet në Shqipëri do të luajë vetëm në vendlindjen e tij për Vllazninë.