Dritan Dervishi ka folur pas humbjes që Shqipëria pësoi kundër Italisë me rezultatin 2-0. Ish drejtori i Kukësit dhe i Partizanit deklaroi për newsport.al që trajneri De Biazi tashmë duhet të largohet nga drejtimi i kuqezinjve, pasi sipas tij italiani nuk ka më ç'të japë për Kombëtaren. Dervishi foli edhe për lojën e të besuarve të trajnerit italian, teksa tha:
"De Biazit i ka ardhur koha të hapë krahun. Kur shikoja dje dëmet që De Biazi na ka bërë me humbjet e Rashicës, Berishës dhe Rrahmanit, jam i mendimit që ai duhet të largohet. Aty unë gjykoj punën negative të trajnerit. Tekniku i përfaqësueseve nuk stërvit, por seleksionon. Kam respekt për De Biazin, por besoj se ai duhet të largohet. Nuk ka më stimuj. Duhet urgjentisht largimi.
Ndërkohë nuk mund të rri pa përmendur që duhet të jemi krenar për ata çuna që dhanë gjithçka në fushën e blertë dhe luajtën si të barabartë përballë një Italie me lojtar si Buffon, Bonuçi, Barzagli etj", ka deklaruar për newsport.al ish drejtori i Kukësit dhe i Partizanit, Dritan Dervishi.
[gallery columns="1" size="full" ids="94025"]
Lexo gjithashtu
