Autoriteti i Mediave Audiovizive ka kërkuar nga televizionet në vend që të shmangin emisionet ku është kërkuar prezenca e publikut.
Kjo masë, sipas AMA-s bëhet në kuadër të masave të luftës kundër shpërndarjes së COVID-19. AMA vlerëson punën që po bëjnë mediat në dhënien e informacionit për publikun, por ndërkohë, e konsiderojnë shumë të nevojshme që të shmangin pubkikun nëpër emisione, meqë nuk arrihet të mbahet distanca prej 1 metër larg nga njëri tjetri.
Kjo kërkesë e AMA-s prek dhe emisionet sportive që zhvillohen në vend. FSHF dhe qeveria ranë dakord që futbolli në vend të luhej por pa tifozë, në këtë mënyrë dhe emisionet sportive do të vazhdojnë të zhvillohen duke bërë analizat përkatëse të çdo ndeshje apo jave futbollistike. Në studiot televizive përveç analistëve sportivë dhe të ftuarve special ka dhe publik të cilët shoqërojnë emisionin deri në fund të tij. Disa marrin njerëz të zakonshëm, ndërsa ka dhe studio të tjera që si publik kanë fëmijë të akademive të ndryshme, ku distanca 1 metër larg nga njëri-tjetri nuk mund të respektohet edhe për shkak të vendit të ngushtë.
Nëse do të zbatohet ose jo kërkesa e AMA-s edhe në emisionet sportive do të na duhet të presim dhe të shohim në vazhdim.
Loading ...
