Mario Gjata ishte një nga më të mirët në fushë për Apoloninë. Sulmuesi i talentuar arriti të fitonte një penallti ndaj Skënderbeut, sfidë që përfundoi 1-1.
Lojtari i fierakëve foli për momentin e shumëdiskutuar si dhe për të ardhmen. Në fjalën e tij për Supersport, Gjata deklaroi:
"Unë pata kontakt në zonë, pastaj mendimi i takon dikujt tjetër. Është arbitri ai që e jep ose jo. Kontakt pata.
Sezoni? Patjetër që do të mbijetojmë. E nisëm keq kampionatin. Me ardhjen e trajnerit të ri ka ndryshuar. Gjithçka ka ndryshuar. S'e besojmë të jemi në këtë vend në tabelën e klasifikimit që jemi tani.
Gjendja? Siç e thatë edhe ju kam kaluar një dëmtim që më la shumë kohë jashtë fushe. Tani kam arritur formën time. Në fund të sezonit, nëse drejtuesit e shohin të arsyeshme, do të shqyrtojmë ofertat... S'e di është akoma për të folur për këtë", tha ai.
Lexo gjithashtu
