Bedri Greca ishte shumë pranë rikthimit në Kosovë. Sulmuesi i njohur udhëtoi drejt tokës dardane së bashku me agjentin e tij Klaus Bode për të mbyllur marrëveshjen me Llapin. Gjithçka dukej se po shkonte në mënyrën e duhur me 32-vjeçarin që publikoi edhe foto nga makina teksa ishte në udhëtim.
Çuditërisht marrëveshja është prishur në momentin e fundit, sipas “Futbolli në Shqipëri”. Greca dhe drejtuesit e Llapit nuk kanë rënë dakord për detajet e fundit të kontratës. Ish-sulmuesi i Kastriotit, Flamurtarit, Laçit e Tiranës vijon të jetë një lojtarë i lirë në treg pas mbylljes së marrëveshjes me krutanët.
Kujtojmë që interesi për anësorin është i lartë me Flamurtarin, Elbasanin dhe Erzenin që e duan në skuadër për sezonin e ri.
