Ditën e sotme janë luajtur disa prej ndeshjeve të Kupës së Shqipërisë, pasi një pjesë e tyre u luajtën dje. Një prej takimeve ishte ai mes Egnatia dhe Luftëtarit, takim i luajtur në Rrogozhinë në stadiumin “Hasan Zyla”.
Kjo sfidë ka përfunduar 0-3 për gjirokastritët, por si duket ka lënë një shije të mirë edhe tek vendasit, të cilët janë të kënaqur me lojën e skuadrës.
Me anë të një postimi në rrjetin social “Facebook”, Egnatia bën me dije se Kupa nuk ishte një objektiv shumë i rëndësishëm për ta, pasi do të fokusohen në kampionat, pasi aty ëshët synimi për t’u ngjitur në Superiore.