Kastrioti i komplikoi akoma më shumë gjërat për mbijetesën, pasi u mund 1-0 në Shkodër nga Vllaznia. Pas takimit, ka folur Shkëlzen Rustami, zëvëndës trajneri i krutanëve, pasi Ndreu është i pezulluar. Ai shprehet i kënaqur me ekipin, pavarësisht disfatës. Gjithashtu, tha se ekipi është i rrezikuar për rënien, por Play Off është një mundësi e mirë.
“Kishim pretendimet tona për një pikë. Por, futbolli kshtu është, pasi i ka të 3 rezultatet. Morëm një gol nga një episod që nuk e prisnim. Prap jemi të kënaqur me ekipin, me mënyrën sesi ka luajtur.
Ne prap kemi objektivin tonë dhe jemi në lojë. Ndjehemi të rrezikuar por kemi mundësi edhe në Play Off. Tani e mora vesh që Bylisi ka humbur. Deri në fund gjërat janë të paparashikueshme” – tha ai.