Katar 2022
Jahmir Hyka dhe Donjet Shkodra janë dy lojtarët e njohur që ende kanë mbetur pa skuadër. Mesfushori shtatshkurtër stërvitej me ekipin e Tiranës, por së fundmi ka nisur të përgatitet individualisht nën kujdesjen e trajnerit të njohur, Roland Peqini.
Së bashku me këtë të fundit po stërvitet edhe Donjet Shkodra. Përmes një videoje të publikuar në rrjetet sociale, të dy shihen në një terren sportiv të mbyllur ku kryejne përgatitje tekniko-taktike.
Pritet me interes të mësohen se cilat do të jenë skuadrat e ardhshme e të dy futbollistëve, lojtarë që kanë spikatur në kampionatin shqiptar.
