Kukësi nuk po kalon një moment të mirë në kampionat. Verilindorët nuk njohin fitore prej 5 ndeshjeve, 4 humbje dhe një barazim dhe sfida e radhës do të jetë ndaj Vllaznisë kryesuese. Në një intervistë për “RTSH Sport”, ka folur edhe trajneri, Rrahman Hallaçi që ka sqaruar çështjen Limaj. Mesfushori është lënë jashtë skuadre për shkak se nuk ka pranuar rinovimin e kontratës.
“Limaj thjesht ka pasur një diskutim në lidhje me kontratën dhe mendoj që gjërat u zgjidhën. Limaj do jetë në skudër dhe shumë shpejt do jetë ai lojtari kryesor që ka qenë vazhdimisht.
Jo se nuk ka dhënë Limaj maksimumin, ai e ka dhënë, por ka pasur një diskutim për kontratën dhe është mëse normale që unë si trajner më mirë ta lë të qetësohet një javë.
Në momentin që një lojtar me drejtuesit kanë gjërat e tyre personale, kuptohet më mirë lojtari duhet të jetë i qetë dhe një lojtar tjetër që nuk ka këto shqetësime jep maksimumin.
Limaj do jetë me ekipin, do jetë i grumbulluar për ndeshjen me Vllazninë”, u shpreh Hallaçi.
Loading ...
