Pas eliminimit dje nga Champions League, trajneri i Mançester Sitit, Pep Guardiola është dukur i qetë në plan të parë në konferencën për shtyp.
Por, një pyetje e njërit prej gazetarëve anglezë ka vendosur jo pak në siklet trajnerin spanjoll, i cili iu përgjigj me një buzëqeshje ironike: “U përpoqëm ta ngrinim skuadrën në një nivel tjetër, por duam pak kohë”.
Gazetari-Përshëndetje Pep! Çelsi për t’u përmirësuar sezonin tjetër, a do të nisë duke përmirësuar fillimisht mbrojtjen?
Guardiola-Jo, jo! Nuk ka të bëjë me mbrojtjen. Nuk është gjithnjë faji i mbrojtjes ose portierit kur pëson gola. Kundër Monakos nuk ishte vetëm faji i mbrojtjes. Problemi është se, në pjesën e parë ne nuk ishim askund, gjithë skuadra. Kërkuam të ishim agresivë në momentin që nuk e kishim topin në zotërim, por nuk ia dolëm.
Gazetari-Të besuan për të bërë diferencën…
(Guardiola ndërpret gazetarin)- Ah, pra erdha te Mançester Siti për të fituar Champions League-n?!
Gazetari-Po! Përse nuk arritët të ngrinit skuadrën në një tjetër nivel gjatë këtij sezoni?
Guardiola-U përpoqa! U përpoqa, të gjithë bëmë përpjekje për ta arritur këtë gjë, por na duhet më shumë kohë.
Loading ...
