Ditë më parë u fol për një transferim të mundshëm të Armando Sadikut te Trabzonspor, një lëvizje që nuk u relizua dhe e la pezull të ardhmen e bomberit të Kombëtares kuqezi. Skuadra e tij Levante ndërkohë ka filluar fazën përgatitor ditën e henë dhe trajneri Paco Lopez nuk e ka elbasanasin në planet e tij.
Përkundër këtij fakti sulmuesi i ka lënë pushimet e tij në mes dhe i është bashkuar skuadrës në stërvitje. 28-vjeçari duket se po kërkon të sfidojë veten duke qenë së ai po mundohet t'i ndryshojë mendimin trajnerit spanjoll, i cili nuk ka besim te aftësitë e Sadikut. Të presim dhe të shohiim se çdo të ndodhë në ditët në vazhdim por shënuesi i 12 golave me fanelën kuqezi i ka marrë më shumë se seriozisht përgatitjet për sezonin e ri.
