Krahas Mirel Josës, në konferencën e prezantimit të trajnerit të ri ka dalë para mediave edhe Nderim Nexhipi. Drejtori sportiv i Kukësit i uroi mirëseardhjen teknikut kryeqytetas dhe u ndal shkurtimisht te merkato e dimrit.
Ai tregoi lojtarët aktualë që i janë bashkuar verilindorëve dhe zbuloi se janë duke punuar për afrimin e dy të tjerëve. Në fjalën e tij për gazetarët, Nexhipi u shpreh:
“I urojmë profesorit mirëseardhjen te ne. Me eksperiencën e tij do të na ndihmojë në arritjen e objektivave tona. Të gjithë e njohin sepse ka shumë trofe. Besoj se kemi bërë zgjedhjen e duhur. Kemi bërë një kontratë 18 mujore dhe shpresojmë që me ekipin që kemi, me ndihmën e trajnerit tonë të arrijmë objektivat e përbashkëta si klub.
Është e vështirë që në këtë pjesë të sezonit vjen një trajner i ri. Megjithatë ka përvojën dhe menaxhon situatat. Do të arrijmë të marrim maksimumin me ndihmën e të gjithëve. Nuk kam çfarë të them më shumë dhe mirësena vjen në ekipin tonë.
Sa i përket lojtarëve ju konfirmoj ata që janë afruar dhe kanë punuar aktualisht me ne. Në këtë periudhë është e vështirë të gjesh futbollistët që dëshiron, megjithatë ne po punojmë që brenda këtyre 4 ditëve të përforcojmë si duhet ekipin”, përfundoi ai.
Loading ...
