Giovani Colela ka folur pas humbjes së thellë 6-1 kundër Laçit. Trajneri i Apolonisë deklaroi për mikrofonin e Supersport:
"Besoj se kemi kufinj në mënyrën e përballuarit të ndeshjeve. Po luanim mirë. Ishim 2-1, edhe mund ta kthenim. Por të pësosh 6 gola, e kemi problemin ne. Duhet ta kërkojmë problemin brenda vetes.
Goli i dytë i Laçit?Nga fusha dukej pozicion jashtë loje i pastër. Nga ky këndvështrim dukej i vështirë. Por pas këtij goli pësuam edhe katër gola të tjerë. S'kemi çfarë diskutojmë për arbitrin.
Pse pësoni lehtë? E them edhe njëherë që ka probleme. Unë pashë dy skuadra, në pjesën e parë dhe të dytë. Janë të ndryshme. Diferencat janë evidente. Unë nuk kam shkopin magjik. Do të punoj, por s'e di pse ndodh kjo", përfundoi trajneri italian i fierakëve.
Lexo gjithashtu
