Tragjedi në Shkodër, stuhia i mori jetën një tifozi kuqezi

Stuhia e jashtëzakonshme dje në Shkodër nuk ka kaluar pa pasoja tragjike. Një tifoz kuqezi nga Kosova ka humbur jetën pas ndeshjes.  Kadri Shkrela,  65-vjeçar ka humbur jetën pasi ra në kontakt me shtyllën elektrike pas stuhisë që mbërtheu dje Shkodrën, e cila u bë shkak edhe për ndërprerjen e ndeshjes.

Ngjarja ka ndodhur në orët e para të mëngjesit të sotëm, në bulevardin Bishanaku, ose e njohur si “Rruga e Gjanë”, afër stadiumit “Loro Boriçi”. Mësohet se tifozi nga Kosova ishte mbështetur në shtyllën e ndriçimit, por për shkak të mbushjes së saj me ujë, 65-vjeçarin e zuri korenti, duke i shkaktuar vdekjen.