Torassa tradhëton Partizanin, argjentinasi drejt largimit

Agustin Torassa është drejt largimit nga skuadra e Partizanit. Skuadra e Verias në Greqi pritet të përfitojë shërbimet e tij dhe sipas  “Sport Ekspres”, argjentinasi ka nënshkruar një parakontratë me grekët. Por Partizani kërkon ta mbajë me ngulm mesfushorin shtatshkurtër, i cili ka bërë paraqitje të mira me fanellën e kuqe. Megjithatë ditët në vijim do të na qartësojnë situatën. Argjentinasi është element i rëndësishëm në skuadër dhe pritet të qëndrojë dy ndeshjet me Salzburgun. Më pas drejtuesit e Partizanit dhe Torassa do të ulen për të vendosur për të ardhmen e tij, ku mund të arrihet dhe një konsensus në aspektin financiar, pasi rroga e lojtarit është e lartë.