Ekipi i Tomorit në Kategorinë e Parë po vijon prej disa ditësh përgatitjet për sezonin e ri, me beratasit që së fundmi kanë arritur dhe një goditje interesante në merkato.
Bëhet fjalë për brazilianin Jean Rodrigo i cili ka firmosur një kontratë një-vjeçare me skuadrën. Në këtë mënyrë mbrojtësi është zyrtarizuar si pjesë e Tomorit për sezonin e ri, ndërkohë që kishte dalë prej disa ditësh në stërvitje me skuadrën. Ai ka luajtur kryesisht në ligën e dytë braziliane dhe konsiderohet si një përforcim mjaft i rëndësishëm për skuadrën.
