Kristijan Tozhevski është një nga lojtarët më të rëndësishëm të Tiranës. Mbrojtësi i djathtë duket se po shijon ditët e fundit të pushimeve para nisjes së sezonit të ri futbollistik. Ai ka bërë një postim në rrjetet sociale ku shfaqet me të dashurën në një nga restorantet e kryeqytetit. Nuk mungojnë emojit romantikë të tij për partneren që i qëndron në krah.
Kujtojmë që anësori i linjës së djathtë rinovoi në këtë merkato vere me Tiranën. Padyshim një nga futbollistët më të rëndësishëm të trajnerit Orges Shehi duke mos e diskutuar formacionin titullar. Tashmë s’mbetet gjë tjetër veçse të pritet fillimi i edicionit të ri futbollistik. Interesi është i madh për të parë nëse kampionia në fuqi, Tirana, do të arrijë të bëjë të njëjtën gjë edhe në këtë sezon.
