Tirana ka fituar 1-2 me Kastriotin në stadiumin e Kamzës. Bardheblutë e Orges Shehit kanë marrë fitoren e tretë radhazi këtë sezon, teksa nuk e kanë bërë më herët në 23 javët e zhvilluara. 90 minutëshi i sotëm ka qenë i luftuar, me pjesën e parë që është vendosur nga goli i Seferit me penallti.
Megjithë rastet e vendasve, ka qenë një perlë e Hoxhallarit në të 58 minutë nga goditja e dënimit që ka çuar shifrat në 0-2. De Silva ka rihapur gjithçka në të 66 me një aksion model, teksa në fund tri pikët i kanë buzëqeshur bardhebluve. Kampionët e Shqipërisë mbajnë vendin e pestë me 35 pikë, ndërsa krutanët gjenden në vendin e shtatë me 28 pikë pas 23 javëve.
Pas ndeshjes, për Gol pas Goli trajneri i Kastriotit, Ramazan Ndreu tha:
“Në përgjithësi sot ishte një ndeshje shumë e mirë. I morëm golat në momentet tona më të mira, kishim kombinacione dhe gjithçka. Erdhi goli I parë në momentin tonë më të mirë falë një gabimi. Kur ishim pranë barazimit erdhi goli I dytë, përfundimisht ja dhuruam fitoren Tiranës. Ishim të lodhur, edhe nga ndeshja e shkuar vinim mangët. Them se nuk I kemi kapacitetet për të pasur kaq ngarkesë. Freskia fizike ka bërë të vetën para portës.
Shumë të relaksuar nga renditja, ndikon kjo? Padiskutim që ndikon, sidomos në bërthamën tonë që kemi çuna të rinj. Euforia është e pashmangshme. Gjatë gjithë kohës I kam bërë me dije djemve që kampionati nuk ka mbaruar, është në kulmin e vet. Kishim përgatitur një lojë mbrojtëse për një pikë, e kisha idenë që kishim përballë një skuadër të fortë. U hodhëm në sulm, duhej të rinim në mesfushë dhe mbrojtje për të marrë pikë.
Bën llogari Kastrioti? Në Shqipëri edhe ne që jemi specialist futbolli ka pasur raste kemi dyshuar. Ndeshjet me Vllazninë kemi bërë 2. Na kanë mundur këtu dhe kemi fituar atje. Jemi skuadër e brishtë, nuk mund të thuhet se ne kemi toleruar. Ka ndeshje që I bëjmë të mira dhe ka të tjera që s’kemi stabilitetin e duhur. Për vitin tjetër jemi gati sepse kemi një vit që luajmë bashkë.
Motivimi? Një pikë që e ngrejmë në analizë themi se edhe nëse matematikisht e sigurojmë qëndrimin, lojtarët të luajnë për veten e tyre, për të kaluar në ekipe më të mira”, tha Ndreu.
Loading ...
