Komisioni i Disiplinës ka vendosur një afat 30 ditor për Tiranën që të paguajë pagat e ish-trajnerit Ardian Mema. Trajneri që e drejtoi Tiranën për 1 sezon e gjysmë e ka fituar çështjen në Dhomën e Zgjidhjes së Konflikteve, me bardheblutë që nuk kanë ekzekutuar ende vendimin.
Për këtë, Disiplina ka pranuar kërkesën e Memës duke I dhënë 30 ditë kohë klubit kampion që të shlyejë pagesat. "Pranimin e kërkesës së kërkuesit Ardian Mema.
KF Tirana, për dështim në ekzekutimin e vendimeve nr.22 datë 07.07.2020 dhe nr. 22/1 datë 08.09.2020, të Dhomës Kombëtare të Zgjidhjes së Konflikteve, në bazë të nenit 62/1/a të KDS i jepet një afat paralajmërues prej 30 (tridhjetë) ditëve për të ekzekutuar vendimet", thuhet në vendimin e Disiplinës.
Poll
Lexo gjithashtu
