Teuta po zhvillon përgatitjet në kuadër të sezonit të ri. Durrsakët po stërviten intensivisht, teksa disa lojtarë janë në provë. Dy prej tyre janë Patrik Treni dhe Alban Çejku. Të ardhur nga Tirana U21, po mundohen të shfaqin potencialin përpara Renato Arapit, për t’i fituar besimin.
Dështimi i sezonit të fundit, ku “djemtë e detit” nuk siguan as pjesëmarrjen në Kupat e Europës pasi luanin si kampionë, bëri që të largohej një pjesë e mirë nga ekipi. Nevoja për t’i zëvendësuar është e madhe pasi Uheid Hoxha është afrimi i vetëm.
Patrik Treni është 19 vjeç, ndërsa Alban Çejku 21. Lojtarët duken me potencial për të ardhmen, ndërsa Teutës i mbetet për të vendosur ditën në vazhdim.
