Katër prej pesë ndeshjeve të javës së 32-të në Abissnet Superiore janë luajtur. Tashmë mund të flasim me anë të renditjes për disa prej verdikteve të kampionatit, kur kanë mbetur dhe 3 javë nga fundi.
Kreu i renditjes mbetet i Tiranës, e cila pavarësisht barazimit 1-1 me Teutën, duket se vetëm po e shtyn festën e titullit kampion. Më pas vjen Laçi që me fitoren e pastër 2-0 ndaj Egnatias siguron praktikisht Europën. Partizani mbyll zonën e Europës me fitoren e arritur 2-1 me Kukësin dje(të mërkurën). Kukësi e ka lëshuar vendin e tretë pas 32 javësh.
Kastrioti mbetet i qetë në vendin e gjashtë, pasi thuajse i ka shpëtuar mbijetesës, prandaj humbja në Korçë(2-0) nuk duket të ndikojë. Skënderbeu mori tre pikë që thuajse nuk i shërbejnë për asgjë.
Tashmë janë të parafundit në renditje dhe pas tyre është Dinamo, por pa shpresa konkrete në javët e mbetura. Teuta ka përfituar nga humbja e Egnatias për t’u shkëputur dhe me 1 pikë nga zona e “play out”. Sfida e mbetur e javës së 32-të është mes Dinamos dhe Vllaznisë të enjten ora 16:45.
Renditja
