Skuadra e Tiranës ka zhvilluar miqësoren e parë në kuadër të përgatitjeve për sezonin e ri 2016-2017. Të besuarit e Ilir Dajës kanë arritur të bindin teksa kanë fituar me rezultatin 3-1 kundër OFK Petrovac. Golat janë shënuar nga Halili, Karabeci, Bajrami. Të shtunën bardheblutë do të zhvillojnë edhe miqësoren e dytë të planifikuar nga stafi teknik.
" KF Tirana - OFK Petrovac 3-1
Golat: Halili 6', Karabeci 29', Bajrami 82'
Formacioni: 4-2-3-1
Lika, Teqja, Deliaj, Taku, Hoxhallari, Karabeci, Daja, Vucaj, Nika, Papa, Halili.
U aktivizuan: Bakaj, Turtulli, Domgjoni, Kerciku, Bajrami, Gjino.
Tirana ka fituar miqësoren e parë në Serbi përballë skuadrës malazeze OFK Petrovac. Bardheblutë kanë kaluar me sukses testin e parë fale golave të shënuar në pjesën e parë nga Halili dhe Karabeci, ndërsa në pjesën e dytë ka qene Bajrami autori i golit të tretë. Ky takim u zhvillua në orën 18:30 në Zlatibor dhe bardheblutë kanë zhvilluar një lojë mjaft të mirë duke gjetur shumë shpejt golin me anë të Grent Halilit për të dyfishuar më pas me një goditje nga distanca të Erando Karabecit. Në këtë ndeshje nuk u aktivizua Gilman Lika që ndjen një shqetësim muskular, ndërkohë që debutuan Daja, Nika, Turtulli, Bajrami dhe Gjino. Per Ilion Likën ishte ndeshja e parë pas rikthimit me fanellën bardheblu. Sulmuesi nigerian Emeka nuk është aktivizuar pasi ende nuk është gati ndërsa 19-vjeçari i talentuar Flamur Bajrami ka bërë një paraqitje të mirë duke gjetur dhe golin në debutimin e tij si bardheblu. Ndeshja e rradhës për bardheblutë do të luhet të shtunën përballe OFK Grbalj" shkruhej në faqen zyrtare të Tiranës në facebook.
Tirana po zhvillon një fazë përgatitore në Zllatibor të Serbisë. Ndërkohë që lojtarët stërviten nën urdhrat e teknikut Ilir Daja, drejtuesit bardheblu po mendojnë edhe për merkaton verore ku priten edhe disa afrime të tjera. Ekipi më i titulluar në Shqipëri, këtë sezon do të kërkojë të fitojë titullin e 25-të në kampionatin shqiptar.
Lexo gjithashtu
