Renato Malota u transferua nga Kukësi te Partizani në këtë merkato verore. Qendërmbrojtësi lezhian ishte lojtar i pazëvendësueshëm te verilindorët, megjithatë mosmarrëveshjet me presidentin Gjici, bënë që 27-vjeçari t’i bashkohej të kuqve. Megjithatë jo gjithçka ka shkuar siç pritej për Malotën, pasi u dëmtua pa nisur sezoni.
Në këtë mënyrë trajneri Sormani dhe më pas Starova u detyruan ta linin në stol qendërmbrojtësin. Tifozët kuksianë janë tallur me këtë fakt, teksa shkruajnë në faqen “Tifozat kuksianë”: “Kam gjet shkakun pse ambjentet e Demit në katin 15 morën flakë. Sipas raportimeve ngrohja më shumë seç duhet e stolit nga Renato Malota ka bërë të mundur që flaka të shkonte deri atje”.
