Trajneri i Manchester United, Hoze Mourinho ka mbetur i prekur nga pritja që i bënë tifozët e Chelsit dje në "Stamford Bridge" në sfidën e vlefshme për çerekfinalet e FA Cup.
Tifozët e Chelsit, gjatë ndeshjes thirrën në kor: 'Juda, Juda', duke e cilësuar ish-trajnerin e tyre, Hoze Mourinho, si një tradhtar.
Thirrjet e tifozëve londinezë ndaj ish-trajnerit të Chelsit ishin edhe: "'Ti nuk je më 'Numri 1'".
Pas humbjes 1-0 që Manchester United pësoi në "Stamford Bridge" duke u eliminuar nga FA Cup, trajneri portugez i "djajve të kuq" pranoi në konferencën për shtyp se, ai që tifozët e Chelsit e quajnë 'Judë' do të mbetet 'Numri 1' deri në momentin që një trajner tjetër do të arrijë të fitojë 4 tituj kampion në Premier League, aq saç ka fituar Mourinho me Chelsin.
"Ata mund të më thërrasin si të duan. Unë jam profesionist dhe mbroj klubin tim.
Deri në momentin që tifozët e Çelsit s'kanë një trajner që ka fituar katër tituj kampion në Premier League, unë mbetem 'Numri 1'.
Në çastin që do të kenë një trajner që do të fitojë katër kampionate për ta, unë do të bëhem 'Numri 2'.
Por, deri në atë moment, 'Juda' do të mbetet 'Numri 1'", tha Mourinho në konferencën për shtyp pas humbjes ndaj Chelsit.
[caption id="attachment_90151" align="alignnone" width="800"]
Mourinho duke 'ledhatuar' stemën e Manchester United pas fyerjeve që tifozët e Chelsit i bënë atij dje në sfidën e laujtur në "Stamford Bridge"[/caption]
Lexo gjithashtu
