Ditën e shtunë do të luhet një tjetër miqësore. Bëhet fjalë për takimi Teuta – Laçi, ndeshje kjo që do të vërë në provë edhe njëherë ekipet e të dyja klubeve përpara nisjes së pjesës së mbetur të kampionatit.
Është përcaktuar dita, që do të jetë e shtunë, por ende nuk është mësuar ora se kur do të luhet kjo miqësore. Trajnerët e të dyja ekipeve do të kenë mundësi të provojnë prurjet e reja që kanë ardhur në skuadrat respektive për të vendosur më pas për fatin e futbollistëve të rinj.
Përballja do të zbulojë dhe problemet që mund të kenë skuadrat në repartet e tyre për t’i përmirësuar ato para datës 28-të janar, datë në të cilën nis dhe kampionati.
