Durrsakët kanë nisur përgatitjet për pjesëmarrjen në Europa League, ndërsa ndryshimet te bregdetarët janë të ndryshme. Që nga pankina e deri në formacionin bazë skuadra nga durrsake janë larguar trjanerët Magani e Dervishi, gjithashtu dhe tre lojtarët e huaj; Bernard, Lukiç dhe Jilli.
Sa iu përket afrimeve, në staf është vendosur Xhevahir Kapllani, i cili do të asistojë Julian Ahmatajn që do të bëjë debutimin si trajner i “Djemve të Detit”. Ndërkohë që sulmuesi shkodran Jasmin Rraboshta është pjesë e Teutës që prej nisjes së përgatitjeve së bashku me mbrojtësin Kristi Marku.
Sa i përket fazës përgatitore, Teuta të enjten do të lërë tokën shqiptare dhe do të niset drejt Austrisë ku do të qëndrojë deri në mesin e muajit korrik. Aty do të luhen dhe disa ndeshje miqësore, të cilat ende nuk janë planifikuar.
