Televizioni Shqiptar do të transmetojë ndeshjet, ja cilat janë

Radio Televizioni Shqiptar ka bërë me dije që do të transmetojë ndeshjet e Europa League në TVSH. Pas marrëdhënieve të acaruara që patën me teleshikuesit, këtë herë, ndryshe nga Europiani drejtuesit e TVSH kanë blerë të drejtat ekskluzive të transmetimit të këtyre ndeshjeve. Lajmi bëhet i ditur vetë nga televizioni, ku në rrjetin social facebook, ka pohuar që do të transmetohen të dy ndeshjet, e Partizanit në datën 28 qershor në orën 18:00 dhe Kukësit në datë 30 qershor ora 19:00 ekskluzivisht në TVSH. Por ajo që bie në sy është mungesa e transmetimit të UEFA Champions League, kompeticion ku merr pjesë klubi i Skënderbeut. Ndërkohë një lajmërim edhe për ndeshjen e Teutës në Europa League nuk ka, ndoshta një lapsus i radhës nga drejtuesit.