Valentino Murataj mund të konsiderohet afrimi i parë i Partizanit në këtë merkato dimri. Edhe pse ende nuk është prezantuar nga klubi i kuq, kryeqytetasit kanë gjetur marrëveshjen me drejtuesit mallakastriotë për 24-vjeçarin shtatshkurtër. Ilir Daja konfirmoi transferimin e tij në Tiranë, megjithatë ende s’ka pasur asnjë lëvizje në klubin e kuq.
Nuk dihet se pse nuk po prezantohen dy afrimet e konfirmuara si Stenio Junior dhe Valentino Murataj. Ndërkohë, në faqen që merret me statistikat e futbollistëve dhe transferimet e tyre, “soccerway”, rezulton që Murataj është i Partizanit që në 7 janar. Tanimë siç duket pritet vetëm zyrtarizimi i tij në mënyrë që të zbresë në fushë për të dhënë kontributin e tij.
Loading ...
