Talenti i Breshias nën “radarin” e De Biazit, italiani e vëzhgon nga afër

Xhani De Biazi ka qenë sot i pranishëm në seancën stërvitore të Breshias. Përmes një njoftimi në faqen zyrtare në FSHF, bëhet e ditur që italiani ishte me mision për të vëzhguar Emanuele Ndojin. Ky i fundit po shkëlqen në radhët e skuadrës italiane, teksa luan në mesin e fushës. Gjithashtu trajneri i Kombëtares ka qenë i pranishëm edhe në seancën e Atalantës dhe për këtë shkruhej në faqen zyrtare të FSHF-së:

“Traineri i kombetares shqiptare Gianni De Biasi ka ndjekur sot nje seance stervitore te Brescias, skuader ne serine B. Ai ka pare dhe ka vezhguar nga afer kondicionin fizik aktual te mesfushorit shqiptar qe eshte atje, Emanuele NDOJI. Ky i fundit qe prej vitit te kaluar aktivizohet ne radhet e kesaj skuadre. Ne perfundim te stervitjes, mister De Biazi eshte takuar me Ndojin duke e pyetur per gjendjen e tij sportive dhe ecurine te Brescia.

Nderkaq, pasdite traineri i skuadres perfaqesuese ka qene ne Bergamo ku ka asistuar ne seancen stervitore te mikut te tij Gasperini me Atalanten. Aty natyrisht ka pare dhe biseduar nga afer edhe me Etrit Berishen, portierin e skuadres bergamaske dhe titullarin e portes shqiptare. Traineri do te ndjeke edhe neser seancen stervitore te Atalantes, ndersa te premten fluturon ne Hamburg per te ndjekur Mavrajn ne takimin Hamburg-B.Leverkusen, dhe te shtunen ne Zyrih per takimin Bazel-Lugano”, përfundon njoftimi i FSHF-së.