Ish-sulmuesi i Partizanit në vitet '90, Edmond Dosti ka reaguar në rrjetet sociale për derbin e së enjtes mes Partizanit dhe Tiranës. Dosti ka kërkuar një mbështetje psikologjike për Demat, ndërsa I quan bardheblutë kundërshtarë të përjetshëm. Ai vijon më tej teksa shkruan në rrjetet sociale se Tirana nuk duhet nënvlerësuar dhe se fitorja është rruga e vetme.
"Të enjten në orën 18:00 luajmë derbin kundër kundërshtarit të përjetshëm, por nuk duhet nënvlerësuar. Jemi në kushtet që mund t'i mundim dhe duhet t'i mundim, nuk ka rrugë tjetër. Ne (ish-pjesëtarë të klubit dhe tifozë), duhet t'i transmetojmë skuadrës besimin dhe ta rritim nga ana mentale e psikologjike", shkruan Dosti mes të tjerash.
Reagimi i plotë:
Te enjten ne oren 18:00 luajmë derbin kunder kundërshtarit te perjetshem ,por nuk duhet nenvlesuar, por ne jemi në kushtet që mund t'i mposhtim dhe duhet ti mposhtim nuk ka rruge tjeter .Nëse jemi të përqendruar dhe të bindur për sukses, atëherë do t'ia dalim.
Unë mendoj se djemtë janë gati për të përballuar ndeshjen e derbit dhe besoj shumë te fitorja. Ne ( ish pjestar te klubit dhe tifozat ) po mundohemi t'i transmetojmë skuadrës besim dhe ta rritim nga ana mentale e psikologjike. Ka shumë rëndësi që në fushë të zbresim me bindjen se mund ta mposhtim kundërshtarin,sepse ne jemi Kampionet.
Lexo gjithashtu
