Surprizohet kosovari, përzgjidhet në formacionin e javës në Holandë

Ecuria e mirë në kampionatin holanez, ka bërë që Milot Rashica të përzgjidhet në formacionin e javës në Holandë. Në takimin e fundit ndaj Groningen, ekipi i Vitesse, ku bën pjesë dhe Rashica ka barazuar me rezultatin 1-1.

Ndërkohë, që sot, gazeta holandeze, “AD” ka vendosur të përfshijë në 11-she edhe kosovarin, duke e klasifikuar si një ndër futbollistët më të mirë të kësaj jave në Erdevise.

Në takimin e fundit ndaj Groningenit, Rashica ka nisur si titullar dhe ka luajtur minutat e plota. Ai ka dhënë asistin për golin e shënuar nga Foor, ku Vitesse mori një pikë nga kjo ndeshje.