Sulmuesit e Superligës s’shënojnë në kampionat, shpërthejnë në Kupë

Superliga në këtë start sezoni ka rezervuar një numër të ulët golash.

Në katër javët e para të kampionatit janë shënuar vetëm 25 gola të total, ndërsa 22 sulmues gjithsej nuk janë zhbllokuar ende.

Por, Kupa e Shqipërisë që u zhvillua ditën e sotme ishte një mundësi për lojtarët ofensivë për t’u zhbllokuar.

Kështu ka ndodhur me 6 sulmues të skuadrave të Superligës që kanë gjetur golin në ndeshjet që skuadrat e tyre kanë zhvilluar sot.

Gilman Lika për Tiranën, Rangel dhe Guri për Kukësin, Jaupaj, Azubel dhe Vatnikaj për Partizanin ishin sulmuesit që gjetën rrugën e golit në sfidat e sotme të Kupës.

Sopoti-Tirana 1-1

Shënues: Çota 86′ (11-m) /  G. Lika 43′

Tomori-Kukësi 0-3

Shënues: Rangel, 41′ 75′ (11-m), Guri 85′

Kevitan-Partizani 1-5

Shënues: Toska 16’ /  Jaupaj 17’, Bardhi 19’, Vatnikaj 21′,  Azubel 58′, 69′