Sulmuesi, përfundimisht i Teutës

Sezonin e kaluar ishte pjesë e Kastriotit të Krujës, ndërsa sivjet ai do të jetë pjesë e organikës durrsake. Bëhet fjalë për Jasmin Raboshtën, sulmuesin 26-vjeçar të Teutës, skuadër me të cilën ai do të luajë në sezonin e ri 2016-2017.
Sulmuesi u aktivizua me “djemtë e detit” në dy sfidat e Europa League, ndaj Kairat Almatit, ku mësohet të ketë firmosur për një vit me Teutën. Vetë lojtari e konfirmon lajmin për “Panorama Sport” duke u larguar përfundimisht nga krutanët, skuadër me të cilën ai shënoi plot 21 gola. Pritet të ndiqet me interes e ardhmja e 26-vjeçarit te Teuta, nëse do të mundë të vazhdojë “traditën” e tij të golave me skuadrën bregdetare.