Prej disa kohës, sulmuesi i Flamurtarit, Astrit Fazliu ka kërkuar largimin nga klubi, pasi për të kanë ardhur oferta të mira nga Superliga shqiptare por dhe ajo e Kosovës. Kërkesa tij nuk është aprovuar nga drejtuesit e klubit vlonjat, të cilët i kanë kërkuar të rrijë dhe 6-të muaj të tjera.
Në një intervistë të dhënë për “Olle”, 29-vjeçari ka pohuar kërkesën për largim, si dhe përgjigjen që ka marrë nga ekipi i Superligës shqiptare.
“Po, kam kërkuar të largohem, por nuk më kanë liruar dhe tani jam me skuadrën në përgatitje në Turqi. Do të mbetem edhe gjashtë muaj në Flamurtar. Kam biseduar me presidentin, i cili dëshiron të më mbajë edhe për gjashtë muaj në skuadër. Besa, Ferizaj, Feronikeli, Prishtina dhe Drita më kërkuan nga Kosova, kurse Partizani dhe Kukësi nga Shqipëria”, ka thënë Fazliu në intervistën e dhënë.
