Ish-trajneri i Kombëtares shqiptare, Gianni De Biasi, ka folur për situatën e portierit shqiptar, Thomas Strakosha, e ardhmja e së cilit vazhdon të jetë e paqartë.
Ish-tekniku kuqezi u shpreh: “Strakosha duhet të përmirësohet dhe pak më shumë. Mendoj se ai duhet të largohet nga Italia, që të luajë me paqe në mendjen e tij. Në Itali ka shumë presion mes presidentëve, trajnerëve dhe agjentëve”, tha De Biasi për “TMW Radio”.
Portieri kuqezi është prej kohësh tashmë në kërkim të një skuadre të re, pas largimit nga Lazio, ku qëndroi 6 vite. Për të deri më tani, janë interesuar Chelsea dhe Newcastle, por këta të fundit janë tërhequr pas transferimit të portierit anglez, Nick Pope.
Loading ...
