Anis Mehmeti menjëherë tregoi gjithë klasin e tij në sfidën që Bristol City po luan në shtëpi me Sëansea. Shqiptari që në minutën e 4-të të takimit, arriti të lërë gjurmë në këtë përballje.
24-vjeçari asistoi për të tijtë në golin e avantazhit. Mehmeti mori përsipër një goditje këndi dhe gjuajti drejt zonës, aty ku gjeti Dickie, i cili mposhti më pas edhe portierin kundërshtar.
Një gol ky që kaloi në avantazh vendasit, ndërsa ngriti në këmbë gjithë stadiumit. Tifozët të entuziasmuar duartrokitën, duke festuar kështu edhe golin e të tijve.
Por nuk u ndal me kaq, pasi në minutën e 31-të të sfidës asistoi sërish për golin e 2-0. Një gjuajtje përfekte nga jashtë zonës, gjen në shtyllën e dytë Riis, i cili nuk e ka të vështirë të mposhtë kundërshtarët.
Për Mehmetin është asisti numër 5 në Championship, ku ka shënuar dhe 5 gola në 15 ndeshje.
Lexo gjithashtu
