Berat Gjimshiti
Berat Gjimshiti më në fund duket se ka hedhur prapa krahëve dëmtimin. Për kapitenin e Kombëtares shqiptare vijnë lajme të mira nga italia.
Lideri kuqezi i cili prej 10 janarit është i dëmtuar, tashmë është rikthyer në ekip. Gjimshiti i është bashkuar pjesës tjetër të skuadrës së Atalantës, duke marrë kështu edhe ngarkesën e duhur.
Dhe padiskutim që kjo lumturon stafin e bergamaskëve, të cilët mund të mbështeten te shërbimet e shqiptarit për duelin ndaj Athletic Bilbaos, duel që do të luhet ditën e mërkurë në Champions League.
Gjasat janë që shqiptari të marrë vendin e tij që nga minuta e parë në qendër të mbrojtjes, por gjithsesi gjithçka do të vendoset para duelit në Champions League.
Poll
Lexo gjithashtu
