Empoli vijon deri në javët e fundit të jetë në një garë të ashpër për jetë a vdekje. Në Serie A llogaritë janë thuajse të mbyllura, titulli është ‘prenotuar’, zona Champions pret vetëm biletën e fundit dhe zona Conference League është mbyllur gjithashtu.
Lufta e ashpër vijon të jetë për mbijetesë teksa janë plot 6 ekipe që i ndajnë maksimumi 5 pikë, nga vendi i 19-të deri në të 14-tin. Empoli është një prej tyre teksa mban vendin e 17-të me 32 pikë, 3 më shumë se Udinese dhe Sassuolo e zonës së rënies.
Ekipi nga Reggio Emiglia barazoi pa gola sot përballë Frosinones, fitorja ishte objektiv por 1 pikë nuk është aspak keq gjithsesi. Në tribunat e stadiumit, prezent ishte edhe Kristjan Asllani i cili erdhi në mbështetje të ish-skuadrës së tij.
Mesfushori i Kombëtares është shpallur kampion me Interin dhe në 3 javët e fundit do të ketë fanellën e titullarit për të marrë më shumë minuta e për të treguar vlerat e tij. E ardhmja e elbasanasit pritet të mbetet zikaltër teksa nuk ka zëra merkatosh, megjithatë të interesuarit për ta huazuar janë të shumtë në Itali.
Lexo gjithashtu
