Rey Manaj nuk do të jetë më një futbollist i Sivasspor. Lajmin e bën të ditur vetë futbollisti i cili me një postim në rrjete sociale falenderon të gjithë për aventurën e tij turke.
“Të dua Sivas, do të jesh gjithnjë në zemrën time. Faleminderit për gjithçka”, shkruan Manaj në faqen e tij në Instagram.
Manaj ishte pa mëdyshjen më të vogël, lojtari më i mirë i Sivasspor ku këtë sezon shënoi plot 22 gola e 4 asiste duke u renditur si golashënuesi i tretë më i mirë në kampionat pas Dzeko e Icardi.
E ardhmja e tij ende s’ka një përgjigje definitive, por sirenat e Serie A apo LaLigas po bien prej disa javësh. Largimi i tij nga Turqia vjen me kokën lart, teksa Sivasspor do të fitojë një shumë të konsiderueshme parash.
Kujtojmë se Manaj e ka kontratën e vlefshme deri në vitin 2026. Paraqitjet e tij bën që të largohej në fundin e këtij sezoni.
Lexo gjithashtu
