Ardian Ismajli me fanellën e Empolit
Ardian Ismajli me shumë mundësi do të largohet nga Empoli gjatë kësaj merkato verore. Mbrojtësi i Kombëtares shqiptare është kthyer me një objektiv serioz për gjigantin turk të Besiktas.
Këta të fundit kanë interes të fortë për të siguruar shërbimet e shqiptarit, teksa po përdorin çdo ‘kartë’ të mundshme për ta bindur.
Sipas mediave turke, Besiktas ka caktuar me ‘mision’ Ernest Muçin. Sulmuesi kuqezi ka si ‘detyrë’ që të bindë Ismajlin për t’iu bashkuar te Besiktas, aty ku Muçi luan së bashku me shqiptarin tjetër, Milot Rashicën.
Tashmë pritet të shihet se çfarë do të vendosë 27 vjeçari. Kujtojmë që kontrata e tij me Empolin përfundon sezonin e ardhshëm, teksa te këta të fundit luan që prej vitit 2021.
Poll
Lexo gjithashtu
