Maliqi luan sot në 15:00 ndeshjen me Këlcyrën e vlefshme për Kategorinë e Dytë. Në rast të një suksesi, maliqarët do siguronin vendin e parë dhe zhvillimin e sezonit që vjen në Kategorinë e Parë, duke bërë një hap historik për futbollin në qytetin e vogël juglindor.
Klubi ka ftuar tifozët që të jenë të pranishëm në fushën sportive ku luhet ndeshja, teksa janë kujdesur që të tregojnë se duhen respektuar rregullat e pandemisë. Në kushtet kur tifozët nuk lejohen në stadium prej Covid-19, Maliqi ka bërë thirrje publike që tifozët të qëndrojnë jashtë rrethimit. Ndeshja luhet në aneksin e stadiumit “Skënderbeu” në Korçë.
Njoftimi:
MOS HARRONI!Sot në orën 15:00, luhet një ndeshje historike për klubin tonë, Maliqi-Këlcyra! Në rast të triumfit në këtë takim, shpallemi matematikisht kampionë të Grupit B në Kategorinë e Dytë! Ftojmë të gjithë sportdashësit, që të na bashkohen për të ndjekur ndeshjen nga rrethimin i jashtëm i fushës sportive te aneksi i stadiumit “Skënderbeu” në mënyrë që ta festojmë së bashku këtë ngjarje historike sportive për qytetin tonë! Bëni kujdes, respektoni distancimin social dhe të gjitha rregullat anti-COVID.