Sokol Jareci ka folur për ndeshjen Kukësi – Skënderbeu, takim i shumë kontestuar për sa i përket gjykimit. Në studion e emisionit “Rubrika Sportive” në TVSH u diskutua momenti i shumëpërfolur, kur Liridon Latifi pengohet dukshëm në zonën e Kukësit nga Ylli Shameti.
Për këtë rast foli Sokol Jareci i cili deklaroi: “Është një rast evident që nuk ka nevojë për shumë komente. Megjithatë duhet ta pranojmë që gjithmonë gabimet janë prezente. Por ky rast i Latifit duhej ndëshkuar me faull, që do të thotë 11-metërsh për Skënderbeun”, përfundoi Jareci.