Smajli drejt rikthimit

Besëlidhja po bëhet gati për sezonin e ri 2016-2017.  Lojtarët janë në pritje të nisjeve të përgatitjeve për sezonin e ardhshëm, ku pritet një ftesë nga presidenti i ekipit. Lezhjanët kanë afruar tre lojtarë në merkato të cilët janë Spartak Ajazi, Jurgen Hoxha dhe Orjan Xhemalaj. Emri i fundit që përfolet në kampin e Besëlidhjes, është ai i mbrojtësit Dritan Smajlit, ku me shumë gjasa do të rikthehet drejt vendlindjes. Megjithatë rikthimin e tij nuk e konfirmon as presidenca e klubit dhe as ndonjë tjetër, ku gjithçka mbetet në kuadrin e zërave.
Smajli ka luajtur për disa skuadra të Superiores si me Kukësin, Vllazninë dhe sezonin që u mbyll me bardheblutë e Tiranës. Ndoshta në të ardhmen 31-vjeçarin mund ta shohim të luajë për skuadrën e vendlindjes së tij.