Masato Fukui do të niset sot drejt Antalias për t’iu bashkuar grupit që prej disa ditësh po zhvillon fazën përgatitore në Turqi.
Pas pamundësisë për huazim te Laçi, drejtuesit e klubit kanë menduar që Fukui t’i bashkohet skuadrës për të nisur stërvitjen. Dje, i është prerë bileta futbollistit, ndërsa sot pritet të niset në mesditë.
Daja e kishte në planet e tij që më parë futbollistin edhe pse presidenti Takaj vendosi ta huazojë atë te Laçi për pjesën e mbetur të sezonit. Huazimi nuk u arrit për shkak të rregullave, sepse nuk ishte e mundur që një lojtar të ndërronte tre ekipe brenda një sezoni.
Kjo bëri që Fukui të qëndrojë te Skënderbeu për pjesën e mbetur të kampionatit.
