Skënderbeu përgatitet për një goditje “big”, problem rroga e lartë

Ecuria jo e mirë në këtë fazë të parë ka vënë në lëvizje drejtuesit e klubit të Skënderbeut, të bëjnë përgatitjet e para për një afrim të mundshëm, i cili mund të jetë “big-u”i kësaj merkatoje.
Bëhet fjalë për një afrim të mesfushorit të kombëtares, Ergys Kaçe. Largimi i këtij të fundit nga plzeni dhe rikthimi i tij tek PAOK-u, ka bërë që Skënderbeu ta mendojë si zgjidhje afrimin e Kaçes këtë merkato.
Situata jo e mirë e mesfushorit tek PAOK-u, ku nuk po gjen dot hapësirë, rrit mundësitë që mesfushori të luajë pjesën tjetër të mbetur të sezonit në Superligën Shqiptare.
Problemi i vetëm deri tani mbetet rroga, e cila është tepër e lartë, pjesa tjetër është diçka që mund të rregullohet, pasi dhe klubi aktual i Kaçes kërkon një ekip të ri për lojtarin, ku mund të luajë një minutash të plotë.