Skënderbeu për të “shtatin”, ja titullarët e mundshëm të sezonit të ri

Skuadra e Skënderbeut ka mbyllur tashmë merkaton verore duke afruar në ekip disa lojtarë cilësorë. Trajneri Agostineli do të ketë në dispozicion shumë futbollistë cilësorë, të cilët janë në konkurrim me njëri-tjetrin për një vend titullari. Teksa në mbrojtje janë afruar Mici dhe Vangjeli, tekniku italian pritet të rreshtojë në prapavijë: Shehi në portë, në mbrojtje Vangjeli-Radas-Osmani-Mici. Ndërsa mesi i fushës është i populluar dhe alternativat janë të shumta. Megjithatë me shumë gjasa trajneri italian si lojtarë të formacionit titullar mund të hedhë në fushë: Lilaj-Orelesi në qendër të mesit të fushës, ndërsa para tyre: Fukui-Serxhio-Latifi. Në majë të sulmit do të jetë golashënuesi i sezonit të kaluar Hamdi Salihi.

 Shehi
Vangjeli – Radas – Osmani – Mici
Lilaj – Orelesi
Fukui – Serxhio – Latifi
Salihi